Qazaqstan men Vetnam arasyndaǵy taýar aınalymy 610,9 mıllıon dollarǵa jetti

<p>ASTANA. KAZINFORM &ndash; Búgin Qazaqstan Respýblıkasynyń Prezıdenti janyndaǵy Qazaqstannyń strategııalyq zertteýler ınstıtýtyna Vetnam Kommýnıstik partııasy Saıası Bıýrosynyń múshesi, Ho Shı Mın atyndaǵy Ulttyq saıası akademııasynyń prezıdenti, Ortalyq teorııalyq keńes tóraǵasy Ngýen Sýan Thang bastaǵan vetnamdyq delegatsııasy keldi. Bul týraly ınstıtýttyń medıa jobalar bólimi málimdedi.&nbsp;</p>

Qonaqtardy qarsy alǵan QSZI dırektory Erkin Tuqymov búgingi kezdesý Qazaqstan men Vetnam arasyndaǵy qarym-qatynastardyń keleshegin talqylaýǵa jáne ekijaqty kún tártibindegi ózekti máseleler boıynsha pikir almasýǵa múmkindik beretinin atap ótti.

QR Prezıdenti janyndaǵy Qazaqstannyń strategııalyq zertteýler ınstıtýty

«Qazaqstan men Vetnam – kóptegen uqsastyqtary bar elder. Sońǵy jyldary saýda-ekonomıkalyq qarym-qatynastarymyz turaqty ósýde. Osylaısha, Qazaqstan men Vetnam arasyndaǵy taýar aınalymynyń kólemi 2023 jyldyń birinshi jartyjyldyǵynda ótken jyldyń sáıkes kezeńimen salystyrǵanda 3,5 esege artyp, 610,9 mıllıon dollarǵa jetti. ASEAN elderi arasynda Vetnam halyq sany jáne satyp alý qabileti múmkindigine qatysty JІÓ boıynsha 3-shi orynda (shamamen $1,5 mlrd). Bul qazaqstandyq eksportty keńeıtý perspektıvasyn aıqyndaıdy», – dedi E.Tuqymov.

QSZI dırektory sondaı-aq 2022 jyldyń qazan aıynan bastap Qazaqstan men Vetnam arasynda tikeleı áýe qatynasy qalpyna keltirilgenin, al aǵymdaǵy jyldyń 25 mamyrynan bastap eki eldiń azamattaryna bir-biriniń aýmaǵynda 30 kúnge deıin turýǵa múmkindik beretin vızasyz rejım engizilgenin eske saldy.

QR Prezıdenti janyndaǵy Qazaqstannyń strategııalyq zertteýler ınstıtýty

Óz tarapynan doktor Ngýen Sýan Thang Qazaqstan men Vetnam arasyndaǵy yntymaqtastyqtyń serpindi keńeıýine nazar aýdardy.

«Bizdiń elderimiz arasynda ejelden kele jatqan jaqsy qarym-qatynastar bar, bul yntymaqtastyqty, onyń ishinde saraptamalyq-taldaý salasyn odan ári damytý úshin zor áleýetke ıe», - dedi ol.

Shara aıasynda QR Prezıdenti janyndaǵy Qazaqstannyń strategııalyq zertteýler ınstıtýty men Ho Shı Mın Ulttyq saıası akademııasy arasynda yntymaqtastyq týraly memorandýmǵa qol qoıyldy. E.Tuqymov muny eki el arasyndaǵy saraptamalyq ózara árekettestikti keńeıtýdegi mańyzdy qadam dep atap, osy saladaǵy naqty usynystaryn aıtty.

«Biz Chatham House formatyndaǵy naqty máselelerge baǵyttalǵan birqatar onlaın sessııalardy usynyp otyrmyz. Olarǵa tek jetekshiler ǵana emes, sonymen birge zertteýshiler de qatysyp, agroónerkásiptik damý, óńdeýshi ónerkásip, ınvestıtsııalyq jáne ınfraqurylymdyq yntymaqtastyq múmkindikteri sııaqty ózekti taqyryptardy talqylaı alady», - dedi QSZI dırektory.

Sondaı-aq, vetnamdyq delegatsııanyń sapary aıasynda eki el arasyndaǵy ekonomıkalyq, saýda jáne ınvestıtsııalyq yntymaqtastyqtyń keleshegi, bilim, ǵylym jáne akademııalyq almasý salalaryndaǵy ózara is-qımyldy tereńdetý máselelerine arnalǵan semınar ótti.

Kezdesýge partııa jáne memlekettik organdardyń, ǵylymı uıymdardyń jetekshileri, sondaı-aq eki eldiń ǵylymı qaýymdastyǵynyń ókilderi qatysty.

Buǵan deıin habarlanǵandaı, Qazaqstannan Vetnamǵa saparlaǵan adamdardyń sany kúrt ósti.