Qazaqstan men Vengrııa ótkizý naryqtaryn qaıta baǵdarlaýǵa nıetti
Búgingi tańda Vengrııa Qazaqstan úshin Shyǵys Eýropadaǵy dástúrli mańyzdy jáne perspektıvaly saýda seriktesi bolyp tabylady. Máselen, 2020 jyldyń qorytyndysy boıynsha saýda kólemi 9,7% - ǵa ósip, $111,8 mln qurady.
Baqyt Sultanovtyń pikirinshe, elder arasynda ártaraptandyrý qajettiligi týyndaıdy. Qazaqstan tarapynan ózara saýda úshin birqatar usynystar jáne jalpy somasy $302 mln bolatyn 45 ónim ataýynan turatyn áleýetti taýarlar tizbesi usynyldy.
Sonymen qatar, Baqyt Sultanov Qazaqstanda suly, zyǵyr, kúnbaǵys jáne dárilik shópter ósirýge baǵyttalǵan organıkalyq ónimderdiń 60-tan astam óndirýshisi bar ekenin habarlady. Kásiporyndardyń bir bóligi qazirgi ýaqytta EO ýákiletti organdarynda akkredıtteýden ótýde.
Qazaqstan EO elderine jylyna 10 mln. eýroǵa organıkalyq ónim eksporttaıdy. Bul rette áleýet jylyna 200 mln. eýrodan astamdy quraıdy. EO-da organıkalyq ónimderdi tutyný jyl saıyn 20 mıllıard eýrodan asady.
Kelissózder barysynda tutynýshylardy qazaqstandyq jáne Vengerlik óndiris ónimderimen tanystyrý úshin onlaın formatta saýda mıssııalaryn ótkizý múmkindigi qarastyryldy.
Budan basqa, Byhyt Sultanov Qazaqstannyń agroónerkásiptik kesheniniń áleýeti týraly habarlady, sondaı-aq vengr tarapyna standarttar men ónim sapasyn ózara taný úshin taýarlardy ǵylymı zertteýge jáne sertıfıkattaýǵa qatysýdy usyndy.
Sondaı-aq, vedomstvo basshysy kto jáne transshekaralyq saýda ortalyqtaryn (TsTT) qura otyryp, ulttyq taýar ótkizý júıesi jelisin qurý jónindegi josparlar týraly aıtyp berdi. Vengr tarapyna Vengr ınvestıtsııalaryn tartý úshin «Qorǵas» ShYHO áleýetin paıdalaný, sondaı-aq ony QHR naryǵyna kóterme-bólshek eksporttaý úshin alań retinde paıdalaný usynyldy.
Sonymen qatar, taraptar ónerkásip salasyndaǵy yntymaqtastyq áleýetin, sý resýrstaryn basqarý salasyndaǵy yntymaqtastyqty, sondaı-aq geologııa salasyndaǵy qyzyǵýshylyqty talqylady.
«Elder arasynda kólik servısteriniń tıimdiligin, shektes naryqtarǵa shyǵý úshin logıstıkalyq ınfraqurylymdy ózara paıdalanýdy, sondaı-aq birlesken jobalardy iske asyrýdy jolǵa qoıý qajet. Vengrııa úshin bul Ortalyq Azııa men Qytaı, al Qazaqstan úshin Shyǵys jáne Ortalyq Eýropa elderi», - dedi B. Sultanov.
Esterińizge sala keteıik, Qazaqstannyń tranzıttik áleýetin Majarstan konteınerlik poıyzdar quramynda Qytaımen eksporttyq-ımporttyq ónimdi jerústi kóligimen jedel jetkizý úshin paıdalanady (turaqty konteınerlik poıyzdar Sıan, Shensı jáne basqa Qytaı qalalarynan, sondaı-aq Qazaqstan men Ýkraına arqyly keri baǵytta júredi).
Sonymen qatar, birlesken jobalardy iske asyrý maqsatynda Majar tarapyna Qazaqstan men Shyǵys Eýropa elderi arasyndaǵy saýdany damytý úshin Qazaqstan Respýblıkasynyń Saýda ókildigin qurý usynyldy.
«Vengrııa Konstıtýtsııasynda tamaq quramynda gendik modıfıkatsııalanǵan qospalar bolmaýy kerek dep jazylǵan. Sondyqtan biz Vengrııadan satyp alynǵan barlyq ónimderdiń qaýipsiz ekendigine kepildik bere alamyz. Biz sertıfıkattaý júıesin úılestirý qajet ekendigimen kelisemiz jáne biz Túrki keńesi elderi qoldanatyn sertıfıkattardy ózara prıntsıp boıynsha tanýǵa daıynbyz», - dep atap ótti Vengrııanyń Syrtqy ister jáne syrtqy saýda mınıstri Peter Sıııarto.
Sondaı-aq, Majar tarapy elder arasyndaǵy saýdanyń ózara is-qımyly úshin qarjy bazasyn qamtamasyz etý qajet ekenin habarlady jáne Eýrazııalyq Damý Bankine qabyldaý boıynsha qoldaý surady.
Kezdesý qorytyndysy boıynsha QR saýda jáne ıntgeratsııa mınıstri Baqyt Sultanov Qazaqstan ótken jyly óz astanasynda Túrki keńesiniń eýropalyq bólimshesin ashý arqyly Vengrııanyń túrki álemine belsendi ıntegratsııalanýyn qoldaıtynyn atap ótti, sondaı-aq Túrki Keńesindegi Majarstannyń baıqaýshy mártebesi Ortalyq Azııa elderimen, sondaı-aq EO elderimen yntymaqtastyqqa oń áser etetinine senim bildirdi.