Qazaqstan men Vetnam qylmystyq isterde ózara quqyqtyq kómek kórsetedi

ASTANA. QazAqparat - Parlament Májilisiniń jalpy otyrysynda «Qazaqstan Respýblıkasy men Vetnam Sotsıalıstik Respýblıkasy arasyndaǵy qylmystyq ister boıynsha ózara quqyqtyq kómek týraly shartty ratıfıkatsııalaý týraly» zań jobasy maquldandy, dep habarlaıdy QazAqparat tilshisi.

Atalǵan shartqa 2017 jyldyń maýsymynda Hanoıda qol qoıyldy.

«Shart qylmystyq ister boıynsha quqyqtyq kómekti kórsetý máselelerin retteıdi, sondaı-aq jasalǵan qylmys turǵysynda kúdiktiniń kinásin dáleldeýge qajetti tergeý amaldaryn júrgizý eskerilgen. Jalpy, bul shart standartty qujat bolyp sanalady», - dedi A. Lýkın.

Shartty ratıfıkatsııalaý eki eldiń qylmyskerlikpen kúrestegi yntymaqtastyǵynyń tıimdiligin arttyrady.

Bas prokýrorynyń orynbasary osyndaı sharttar 27 elmen bekitilgenin atap ótti. Qazirgi kezde mundaı qujattarǵa Kýbamen, Grekııamen jáne Makedonııamen arada qol qoıý pysyqtalýda.

«Vetnammen yntymaqtastyq aıtarlyqtaı belsendi túrde damyp keledi. Bul memleket Ońtústik-Shyǵys Azııada biz úshin tartymdy elderdiń biri bolyp otyr, ıaǵnı ekonomıkalyq turǵyda baılanystar nyǵaıtylýda», - dedi QR Bas prokýrorynyń orynbasary Andreı Lýkın.

Onyń sózine qaraǵanda, ótken jyly saýda aınalymy 500 mln AQSh dollarynan astam qarjyny qurady. Búginde Qazaqstan men Vetnam arasynda tikeleı áýe reısteri ashylǵan.