Qazaqstan men Vetnam arasynda ushaq qatynaıtyn boldy

NUR-SULTAN. QazAqparat - Vetnamnyń Kamran qalasy men Almaty arasynda ushaq qatynaıtyn boldy. Alǵashqy reıs 10 qazanda jasalmaq, dep habarlaıdy Azamattyq avıatsııa komıtetiniń baspasóz qyzmeti.

«23 tamyzda QR IIDM Azamattyq avıatsııa komıtetiniń tóraǵasy Talǵat Lastaev Vetnam Sotsıalıstik Respýblıkasynyń Qazaqstandaǵy Tótenshe jáne Ókiletti Elshisi Fam Thaı Ny Maı jáne «Vietjet Air» áýe kompanııasynyń ókili Ngýen Chı Tammen kezdesti. Kezdesý barysynda Vetnam tarapy Qazaqstanǵa turaqty jolaýshylar reısterin oryndaýǵa daıyndyǵyn bildirdi.

Aǵymdaǵy jyldyń 10 qazanynda Kamran – Almaty baǵyty boıynsha «Vietjet Air» áýe kompanııasynyń alǵashqy reısin ashý josparlanýda. Sonymen qatar, avıakompanııa Kamran qalasynan Nur-Sultan qalasyna reıster ashýdy josparlap otyr. Reıster Airbus A-330 tıpti áýe kemelerimen aptasyna 2-3 ret jıilikpen oryndalady» delingen habarlamada.

V edomstvo málimetine saı, qazirgi ýaqytta «Vietjet Air» avıakompanııasy Qazaqstan aýmaǵynda sheteldik avıatasymaldaýshy retinde akkredıtteýden ótýge daıyndalýda. Taraptar eki el arasyndaǵy saýda-ekonomıkalyq, ınvestıtsııalyq, týrıstik jáne mádenı yntymaqtastyqty odan ári damytý úshin tikeleı áýe qatynasynyń mańyzdylyǵyn atap ótti.

Kezdesý qorytyndysy boıynsha taraptar Qazaqstan men Vetnam arasyndaǵy tikeleı turaqty áýe qatynasyn jańartý jónindegi jumysty jalǵastyrýǵa kelisti.