Qazaqstan men Úndistan yntymaqtastyq baǵyttaryn belgiledi

BEIJІŃ-DELI. QazAqparat - 2016 jyldyń 21-24 jeltoqsan aralyǵynda Delıde Qazaqstannyń Úndistandaǵy elshiliginiń qoldaýymen saýda-ekonomıkalyq yntymaqtastyq boıynsha qazaqstandyq-úndistandyq birikken jumys toptarynyń 5-shi otyrysy ótti, dep habarlaıdy «QazAqparat» HAA-nyń Qytaıdaǵy menshikti tilshisi.

Kezdesý barysynda taraptar saýda, energetıka, ınvestıtsııa tartý, ındýstrııa, transport pen logıstıkany damytý, týrızm, farmatsevtıka, aýylsharýashylyq, aqparattyq tehnologııalar, taý-ken jáne tigin ónerkásibi salalaryndaǵy, sonymen qatar Eýrazııalyq ekonomıkalyq odaq pen Soltústik-Ońtústik halyqaralyq transporttyq dálizder aıasyndaǵy  yntymaqtastyqtyń keleshegin talqylady.

Otyrys sońynda QR Ulttyq ekonomıka mınıstrliginiń halyqaralyq yntymaqtastyq departamentiniń dırektory Qaırat Tórebaev pen ÚR Kommertsııa jáne ındýstrııa mınıstrliginiń TMD elderimen yntymaqtastyq boıynsha departamentiniń dırektory Sýnıl Kýmar hattama qol qoıdy. Kelesi otyrys 2017 jyly Qazaqstanda ótedi dep josparlanýda.

QR-dyń Úndistandaǵy elshiligi uıymdastyrǵan is-shara aıasynda QR Investıtsııa jáne damý mınıstrliginiń týrızm ındýstrııasy departamentiniń dırektory Marat Iǵalıev pen Úndistan týrızm mınıstrliginiń halyqaralyq yntymaqtastyq departamentiniń dırektory Sýman Bıll kezdesti.  Kelissóz barysynda taraptar eki el arasynda, ásirese EKSPO-2017 kórmesin ótkizý aıasynda týrızm salasyndaǵy yntymaqtastyqty damytý joldaryn qarady.

Qazaqstandyq delegatsııa quramyna ulttyq ekonomıka, ınvestıtsııa jáne damý, energetıka mınıstrliginiń, sondaı-aq birneshe ulttyq jáne jeke kompanııalardyń ókilderi kirdi.