Qazaqstan men Úndistan áskerleri Golovkındi qoldaý úshin Amankeldi shyńyn baǵyndyrdy
Qazaqstan jáne Úndistan Respýblıkalary arasynda ekijaqty yntymaqtastyq pen tájirbıe almasý aıasynda Almaty qalasyndaǵy QR QM Sport komıteti – Armııa ortalyq sport klýbynyń taýly daıyndyq ortalyǵynda eki eldiń Qarýly Kúshteriniń taýly bólimshelerimen birlesken oqý-jattyǵý jıynynyń birinshi kezeńi ótti.
Áskerı qyzmetshiler eki apta shamasynda Іle Alataýynda ózderiniń daǵdylaryn saqtandyrý arqany ádisterin jetildirdi, oqý saqtandyrý qabyrǵasynda jumystar júrgizip, qolasty quraldarymen zardap shekkenderdi tasymaldaýda, taýly ózender arqyly ótkelden ótý suraqtary boıynsha tájirıbe almasty.
Jıyn sońynda áskerı alpınıster Amankeldi (4010 m) men Nursultan (4330 m) shyńdaryn baǵyndyryp, 5 qazanda Nıý-Iork (AQSh) qalasynda bolatyn qazaqstandyq bylǵary qolǵap sheberi Gennadıı Golovkınniń ýkraınalyq Sergeı Derevıanchenkomen jekpe-jegine arnap 5 tilde beınerolık túsirdi.
«Taýly bólimshelerdiń birlesken oqý-jattyǵý jıyny eki eldiń taýly bólimshelerdegi áskerı qyzmetshilerdi daıyndaý jumysynda tıimdi paıda ákeledi. Áskerı qyzmetshilerdiń jattyqtyrýdaǵy bizdiń júıe basqa elder arasynda tanymal. Sebebi biz, Keńestik alpınıster mektebiniń jattyǵý júıesi men tájirbıesine súıene otyryp, bul tájirıbeni bizdiń alpınısterdi daıyndaý jumysyndaǵy zamanaýı tehnıkalarmen biriktiremiz. Bul óz kezeginde taýly aımaqta jaýyngerlik qımyldar júrgizýde tájirıbesi mol Úndistandaǵy bizdiń áriptester, áskerı alpınısterdi daıyndaýdaǵy jańa daǵdy men tehnıkalardy ıgerýge jaqsy múmkindik» - dep atap ótti QR QM SK-AOSK Taýly daıyndyq ortalyǵy bastyǵynyń orynbasary, podpolkovnık Amanjol Rahmetov.