Qazaqstan men Ulybrıtanııa mınıstrleri kelissóz barysynda qandaı máselelerdi talqylady

<p>ASTANA. KAZINFORM &ndash; Qazaqstan men Ulybrıtanııanyń syrtqy saıası vedomstvolary basshylarynyń kezdesýinde &laquo;Eır Astana&raquo; áýe kompanııasynyń jaqynda IPO-ǵa shyǵýyna jáne &laquo;Astana&raquo; halyqaralyq qarjy ortalyǵyn qurýdaǵy Ulybrıtanııanyń róli aıryqsha atap ótildi.</p>

«Jaqynda Londonda qabyldanǵan qazba mıneraldarǵa qatysty Jol kartasyn eskerip, mańyzdy shıkizat resýrstary, Transkaspıı halyqaralyq kólik dálizin damytý jáne jasyl energııa salalarynda ozyq jobalardy júzege asyrý múmkindigin qarastyrdyq. Sonymen qatar, ǵalamdyq syn-qaterlerdi eńserý, sonyń ishinde klımattyń ózgerýine qarsy, qorshaǵan ortany qorǵaý jáne sý resýrstaryn tıimdi basqarý sııaqty baǵyttarda birlese jumys atqarýǵa kelistik. Óz kezegimizde, Londonmen saýda jáne ınvestıtsııalyq baılanystarymyzdy keńeıtýge múddeli ekenimizdi taǵy da rastadyq», - dedi QR Syrtqy ister mınıstri Murat Nurtileý.

Ol el Prezıdenti Qasym-Jomart Toqaevtyń Qazaqstandaǵy jańa saıası jáne ekonomıkalyq reformalaryn qoldaǵany úshin brıtanııa Úkimetine alǵysyn bildirdi.