Qazaqstan men Ýkraınanyń JOO-lary arasynda memorandýmǵa qol qoıyldy

NUR-SULTAN. QazAqparat - 2021 jylǵy 26 mamyrda Kıev qalasynda Ǵ.Dáýkeev atyndaǵy Almaty energetıka jáne baılanys ýnıversıteti men I.Sıkorskıı atyndaǵy Kıev polıtehnıkalyq ınstıtýty arasyndaǵy ytymaqtastyq týraly memorandýmǵa qol qoıyldy, dep habarlaıdy QazAqparat.

Mundaı kelisimge Ǵ.Dáýkeev atyndaǵy Almaty energetıka jáne baılanys ýnıversıtetiniń rektory Sáýle Saǵyntaevanyń Kıev polıtehnıkalyq ınstıtýty Ǵylymı keńesiniń jetekshisi Mıhaıl Ilchenkomen kezdesýi barysynda qol jetkizildi.

Atalmysh qujat eki joǵary oqý ornynyń yntymaqtastyǵyn sapaly jańa deńgeıge shyǵarýǵa múmkindik beredi.

Taraptar bilim berý baǵdarlamalaryn birlesip daıyndaýdy, oqytýshylar men stýdentterdiń akademııalyq almasýyn, sondaı-aq energetıka, telekommýnıkatsııa jáne ǵarysh tehnologııalary salalaryndaǵy ǵylymı jobalardy birlesip júzege asyrýdy josparlap otyr.