Qazaqstan men Ýkraınanyń bilim akademııalary memorandýmǵa qol qoıdy

NUR-SULTAN. QazAqparat - 2021 jyldyń 29 sáýirinde Nur-Sultan jáne Kıev qalalarynda onlaın rejımde Y. Altynsarın atyndaǵy Ulttyq bilim akademııasy men Ýkraına Ulttyq pedagogıka ǵylymdary akademııasy arasyndaǵy ózara yntymaqtastyq týraly Memorandýmǵa qol qoıyldy, dep habarlaıdy QazAqparat.

Atalǵan qujatta taraptar ǵylymı-pedagogıkalyq potentsıaldy arttyrý, bilim berý júıesine zamanaýı pedagogıkalyq jáne psıhologııalyq tehnologııalardy engizý, mádenıetaralyq tárbıe, salystyrmaly pedagogıka problemalaryn zertteý, bilim berýdegi ǵylymı zertteýlerdiń nátıjelerin saraptaý taǵy basqa ózekti máseleler qarastyrylǵan.

Qujatqa Y. Altynsarın atyndaǵy UBA prezıdenti Ǵanı Bektaıuly Beısembaev pen Ýkraına UPǴ Akademııasynyń prezıdenti Vasıl Grıgorovıch Kremen qol qoıdy.

Jıyn barysynda Ýkraına UPǴ Akademııasynyń prezıdenti V.G. Kremen «qazaq álipbıiniń latyn grafıkasyna kóshý – bilim berýdi ınternatsıonaldaý isinde úlken strategııalyq qadam» dep baǵalady.

Bul rette Y. Altynsarın atyndaǵy Ulttyq bilim akademııasy úlesin erekshe atap ótti.

Y. Altynsarın atyndaǵy UBA jáne Ýkraına UPǴ Akademııasynyń prezıdentteri Ǵ. Beısembaev, V.G. Kremen aldaǵy ýaqytta ózara yntymaqtastyqtyń nátıjeli bolatynyna senim bildirdi.

Atalǵan mańyzdy is-shara QR Táýelsizdiginiń 30, aǵartýshy - ustaz Y. Altynsarınniń 180 jáne Ulttyq bilim akademııasynyń 100 jyldyq mereıtoılary aıasynda ótkizildi.