Qazaqstan men Ýkraına ózara quqyqtyq kómek kórsetýge ýaǵdalasty

  ASTANA. QazAqparat - Búgin QR Bas prokýrory Qaırat Qojamjarov pen Ýkraınanyń Ádilet mınıstri Pavlo Petrenko qylmystyq ister boıynsha ózara quqyqtyq kómek kórsetý jáne ekstradıtsııalaý týraly sharttarǵa qol qoıdy, dep habarlaıdy QazAqparat tilshisi.

QR Bas prokýratýrasynyń baspasóz qyzmeti taratqan málimetke sáıkes, atalǵan sharttar eki eldiń quqyq qorǵaý organdaryna olardyń árqaısysynyń aýmaǵynda qylmystyq ister boıynsha protsestik áreketter júrgizýge, sondaı-aq qylmystyq jaýapqa tartý úshin adamdardy ekstradıtsııalaýǵa múmkindik beredi.

Mundaı kelisimderdi jasaý qylmysqa qarsy is-qımyldar men azamattardyń quqyqtaryn qorǵaý salasynda tıimdi yntymaqtastyq jasaý úshin qajetti quqyqtyq baza quratyndyǵy atalyp ótti.

Kezdesý barysynda sheteldik áriptester Bas prokýratýranyń Quqyq qorǵaý qyzmetteri ortalyǵynyń jumysymen, qylmystyq jáne ákimshilik sot isin júrgizýdi tsıflandyrý jobalarymen tanysty. Sonymen birge mınıstrge halyqaralyq yntymaqtastyq salasyndaǵy qadaǵalaý organynyń qyzmeti týraly habar berildi.





Búgingi kúnge deıin Qazaqstan quqyqtyq kómek kórsetý, ekstradıtsııalaý jáne sottalǵandardy berý salasyna qatysty 60-qa jýyq ekijaqty halyqaralyq shart jasasqan.