Qazaqstan men Túrkııa Parlamentiniń spıkerleri Túrkistanǵa bardy

<p>TÚRKІSTAN. KAZINFORM - Qazaqstan Parlamenti Májilisiniń tóraǵasy Erlan Qoshanov pen Túrkııa Uly Ulttyq Májilisiniń spıkeri Nýman Kýrtýlmýsh túrki áleminiń rýhanı astanasy &ndash; Túrkistan qalasyna bardy.</p>

Túrkııa Uly Ulttyq Májilisi tóraǵasynyń Qazaqstanǵa resmı sapary búgin Túrkistanda jalǵasty. 

Aldymen Erlan Qoshanov pen Nýman Kýrtýlmýsh kıeli jerlerdi aralap, Arystan bab, Qoja Ahmet ıAsaýı, Rabıǵa begim kesenelerinde babalar rýhyna taǵzym etti.

Tústen keıin Túrkııa Uly Ulttyq Májilisiniń tóraǵasy Qoja Ahmet ıAsaýı atyndaǵy Halyqaralyq Qazaq-Túrik ýnıversıtetinde «HHІ ǵasyrdaǵy Túrki áleminiń orny» atty konferentsııaǵa qatysty.
Nýman Kýrtýlmýsh Qazaqstanǵa sapary jemisti ótip jatqanyna nazar aýdardy.

– Keshe biz Memleket basshysy Qasym-Jomart Toqaevtyń qabyldaýynda boldyq. Parlament palatalarynyń tóraǵalarymen kezdestik. Búgin Túrkistanda ózderińizben júzdesip otyrmyn. Jalpy, Qazaqstannyń biz úshin orny bólek. Al Qoja Ahmet ıAsaýı babamyz – ıslam áleminde esimi erekshe tulǵa. Onyń eńbekteri men asyl muralary tórtkúl dúnıege keń taraǵan. Anadoly men Balqan elderine deıin ıAsaýı iliminiń izi jatyr. Ǵulamanyń hıkmetteri men bizge jetken taǵylymdy murasy memleketterimizdi baılanystyrady, – dedi Túrkııa Uly Ulttyq Májilisiniń tóraǵasy.