Qazaqstan men Túrkııa ǵarysh spýtnık júıeleri salasynda yntymaqtastyqty nyǵaıtady
Belgili bolǵandaı, Turkish Aerospace kompanııasy TurkSat-6A aýyr klasty ǵarysh apparatyn óz betinshe jobalaǵan jáne jasaǵan.
Qurastyrý-synaqtan ótkizý keshenin aralaý barysynda qazaqstandyq delegatsııaǵa ǵarysh apparatynyń ózi jáne onyń ınjenerlik úlgileri kórsetildi, olar konstrýktorlyq bıýronyń jumysyn tamashalaýǵa múmkindik aldy.
«Búgingi tańda Turkish Aerospace kompanııasy men onyń enshiles kásiporny GSatCom telekommýnıkatsııalyq spýtnıkterin qurýǵa arnalǵan negizgi platforma SmallGeo platformasy ekenin eskere otyryp, «KazSat-3R» ǵaryshtyq baılanys júıesin qurý maqsatynda osy ónimdi paıdalaný múmkindigin qarastyrýǵa bolady», - dep «Respýblıkalyq ǵaryshtyq baılanys ortalyǵy» AQ basqarma tóraǵasynyń orynbasary Vasılıı Leonov perspektıvalyq josparlaryn bólisti.
Kezdesý barysynda túrik jáne qazaqstandyq mamandar Ortalyq Azııa elderi men Túrki memleketteri uıymdarynyń múddesi úshin birlesken baılanys spýtnıgin qurý jobasynyń josparlaryn talqylady.
Turkish Aerospace kompanııasy osyndaı birlesken jobany iske asyrý múmkindigin qoldaýǵa, tehnologııalyq alań bolýǵa jáne ǵarysh júıesin qurýǵa ǵana emes, sonymen qatar Qazaqstan Respýblıkasy úshin tehnologııalar transfertine de qatysýǵa, sondaı-aq aeroǵarysh salasyndaǵy qazaqstandyq mamandardyń biliktiligin arttyrýǵa daıyn ekenin bildirdi.
Taraptar memorandým daıyndaıdy, oǵan sáıkes taraptar eki jaqtyń óndiristik qýattaryn tikeleı iske qosý kezinde Qazaqstan Respýblıkasynyń múddesi úshin spýtnıktik baılanys júıeleriniń perspektıvalyq jobalaryn iske asyrý kezinde Turkish Aerospace tehnıkalyq sheshimderin paıdalaný múmkindikterin pysyqtaıdy.
Qujatqa qyrkúıek aıynyń sońynda Qazaqstan astanasynda ótetin «Digital Bridge-2022» tsıfrlyq tehnologııalar, bıznes jáne IT týraly halyqaralyq forýmda qol qoıylady dep josparlanýda.