Qazaqstan men Túrkııa áskerı yntymaqtastyǵy aıasynda keler jyldyń jospary bekitildi

ASTANA. QazAqparat – Elordada QR Qorǵanys mınıstrligi Halyqaralyq yntymaqtastyq departamenti bastyǵynyń jetekshiligimen qazaq-túrik elderiniń shtabtyq kelissózderi ótti. Bul týraly QazAqparat vedomstvonyń baspasóz qyzmetine silteme jasap habarlaıdy.

Halyqaralyq áskerı yntymaqtastyq qurylymdarynyń basshylary eki eldiń qorǵanys mınıstrleri men bas shtab bastyqtarynyń kezdesýleriniń qorytyndylary boıynsha tapsyrmalardyń iske asyrylý barysyn, áskerı bilim berýdi, oqý-jattyǵýlarǵa qatysýdy, túrli salalarda tájirıbe almasýmen qosa, yntymaqtastyqtyń aǵymdaǵy jaı-kúıi men keleshektegi baǵyttaryn talqylady.

Nátıjesinde 2023 jylǵa arnalǵan josparǵa qol qoıyldy. Sapar barysynda túrik elinen kelgen qonaqtar Qazaqstan Respýblıkasy Qarýly kúshteriniń Memlekettik áskerı-tarıhı murajaıyna da baryp qaıtty.

Foto: gov.kz