Qazaqstan men Túrkııa arasyndaǵy áýe reısteri qysqartylmaq

NUR-SULTAN. QazAqparat – Qazaqstan men Túrkııa arasyndaǵy áýe reısteriniń jıiligi qysqartylmaq. Bul týraly QR DSM Sanıtarlyq-epıdemıologııalyq baqylaý komıtetiniń tóraıymy Aıjan Esmaǵambetova aıtty, dep habarlaıdy QazAqparat tilshisi.

Ortalyq kommýnıkatsııalar qyzmetindegi brıfıng barysynda BAQ ókilderi komıtet tóraıymynan: «Qandaı jaǵdaıda Densaýlyq saqtaý mınıstrligi Túrkııamen aradaǵy áýe qatynasyn shekteý týraly usynysty vedostvoaralyq komıssııaǵa usyna alady?» dep suraǵan edi.

Osy rette Aıjan Esmaǵambetova mundaı usynys vedostvoaralyq komıssııaǵa berilgenin aıtty.

«Túrkııadaǵy epıdemıologııalyq ahýal barynsha kúrdeli. Kún saıyn 50 myńnan astam jaǵdaı tirkelip jatyr. Eger elimizdegi naýqastanýmen salystyratyn bolsaq, onda táýliktik kórsetkish 5,5 esege kóp. Sondyqtan da búgin vedomstvoaralyq komıssııanyń otyrysynda Túrkııaǵa áýe reısteriniń sanyn qysqartý týraly usynys engizildi. Qazirgi ýaqytta bul usynys qarastyrylyp jatyr», - dedi komıtet tóraıymy.