Qazaqstan men Túrkııa arasyndaǵy áskerı yntymaqtastyq josparyna qol qoıyldy

NUR-SULTAN. QazAqparat - Qorǵanys mınıstrliginde Halyqaralyq yntymaqtastyq departamentiniń bastyǵy polkovnık Oljas Qusaıynov Qazaqstan Respýblıkasyndaǵy Túrik Respýblıkasynyń Áskerı attashesi polkovnık Fatıh Palamen kezdesti. Bul týraly QazAqparat Qorǵanys mınıstrligine silteme jasap habarlaıdy.

Taraptar áskerı yntymaqtastyqtyń keleshegi, onyń ishinde jaýyngerlik daıarlyq pen áskerı bilim berý salasynyń jaı-kúıin talqylady.

Kezdesý qorytyndysy boıynsha Qazaqstan men Túrkııa qorǵanys vedomstvolary 2022 jylǵa arnalǵan Áskerı yntymaqtastyq josparyna qol qoıdy.