Qazaqstan men Túrkııa arasynda Baký-Tbılısı-Kars temirjol jelisi damıdy

ANKARA. QazAqparat - Ankarada ótken birlesken kólik komıssııasynyń otyrysynda qabyldanǵan sheshimderge sáıkes, Qazaqstan jáne Túrkııa ekijaqty tranzıt tasymalyn damytý maqsatynda yntymaqtasty júzege asyrýǵa kelisti, dep habarlaıdy QazAqparat.

Bul jaıynda Qazaqstan Respýblıkasynyń Prezıdenti Qasym-Jomart Toqaev pen Túrkııa Respýblıkasynyń Prezıdenti Redjep Taııp Erdoǵannyń keńeıtilgen strategııalyq seriktestik týraly birlesken málimdemesinde aıtylǵan.

Qos tarap Baký-Tbılısı-Kars temirjoly men Shyǵys-Batys Orta dáliz arqyly júk tasymalynyń ulǵaıýyn quptaı otyryp, kólik jáne logıstıka salasyndaǵy yntymaqtastyqty odan ári damytýǵa ýaǵdalasty.

Orta dáliz arqyly Transkaspıı baǵytyndaǵy vagondar men konteınerlerdiń tasymaldaý boıynsha bekitilgen mólsherlemeni eskere otyryp, olardyń Baký-Tbılısı-Kars jańa jelisi arqyly tasymaldaýdyń mańyzyna nazar aýdardy.

Sonymen qatar Orta dálizdi tıimdi jáne turaqty paıdalaný úshin tıisti mekemeler arasyndaǵy úılestirýdi kúsheıtýdiń mańyzyn atap ótti.