Qazaqstan men Túrki elderi donorlardyń biryńǵaı aqparattyq júıesin qurady

<p>ASTANA. KAZINFORM &ndash; 8 qazan kúni Ázerbaıjannyń Shýsha qalasynda túrkitildes memleketter uıymyna múshe memleketter T&uuml;rktransplant biryńǵaı aqparattyq júıesin qurý týraly hattamaǵa qol qoıdy.</p>

Uıymǵa múshe elderdiń densaýlyq saqtaý mınıstrleri men baıqaýshylarynyń IV otyrysynyń qorytyndysy boıynsha qabyldanǵan Birlesken deklaratsııa sheńberinde tıisti ýaǵdalastyqqa qol jetkizildi.

– Türktransplant qurýdyń maqsaty shamamen 160 mıllıon halqy bar geosaıası keńistiktegi azamattar úshin belgili bir medıtsınalyq qyzmetterge qoljetimdilikti arttyrý, - dep atap ótti Ázerbaıjan Densaýlyq saqtaý mınıstri Teımýr Musaev baspasóz brıfınginde.

Onyń aıtýynsha, bastapqy kezeńde bul Eýropadaǵy transplantologııa ınstıtýtyna uqsas «biryńǵaı aqparattyq ortalyq» bolýy múmkin.

– Keıin azamattar densaýlyǵynyń biryńǵaı derekter bazasyn qurýǵa járdemdesetin bolady. Tıisti sarapshylar jınalyp, osy standarttardy anyqtaıdy, - dep qosty mınıstr TMU-ǵa múshe elder arasyndaǵy aqparat almasý úderisine túsinik bere otyryp.

Hattama múshe elderdiń jáne TMU baqylaýshylarynyń ulttyq zańnamasyna sáıkes TMU sheńberinde densaýlyq saqtaýdyń biryńǵaı tsıfrlyq standarttaryn ázirleý arqyly patsıentterdiń densaýlyǵy týraly medıtsınalyq derektermen almasýdy jeńildetedi. Bir sózben aıtqanda, qujat elder arasyndaǵy donorlyq organdar men transplantatsııany úılestirýge kómektesedi.

Biryńǵaı «Turktransplant» aqparattyq júıesin qurý bastamasy ótken jyly Samarqandta TMU-yna múshe elderdiń densaýlyq saqtaý mınıstrleriniń otyrysynda kóterilgen bolatyn.