Qazaqstan men Túrikmenstannyń SІM basshylary Kaspıı sammıtine daıyndyq barysyn talqylady

ASTANA. QazAqparat - Búgin Qazaqstan Syrtqy ister mınıstri Qaırat Ábdirahmanov jáne Túrkimenstan Mınıstrler kabıneti Tóraǵasynyń orynbasary - Syrtqy ister mınıstri Rashıd Meredov eki memleket basshylarynyń aldaǵy joǵary deńgeıdegi kezdesýlerge daıyndyq barysyn telefon arqyly talqylady. Bul týraly QR SІM baspasóz qyzmetine silteme jasap QazAqparat habarlaıdy.

Áńgime barysynda tıimdi saıası ózara yqpaldastyq, keńeıetin saýda-ekonomıkalyq yntymaqtastyq jáne kúsheıip kele jatqan mádenı-gýmanıtarlyq baılanystar dálel bolyp tabylatyn qazaq-túrkimen qatynastarynyń joǵary dınamıkasy atap ótildi.

Taraptar aldaǵy Aqtaý qalasynda ótetin Besinshi Kaspıı sammıtin uıymdastyrý jáne mazmundyq aspektilerin ázirleýge erekshe nazar aýdardy, sondaı-aq bıyl 25 jyldyq mereıtoıyn atap ótetin «Halyqaralyq Araldy qutqarý qorynyń» negizin qalaýshy memleketter retinde birlesken áreketti sóz etti.