Qazaqstan men Túrikmenstan yntymaqtastyǵynyń ózekti máseleleri talqylandy

ASTANA. QazAqparat – Qazaqstan men Túrikmenstan yntymaqtastyǵynyń ózekti máseleleri talqylandy. Bul týraly Aqordada Túrikmenstan Prezıdentimen keńeıtilgen quramdaǵy kelissóz barysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Sizdiń saparyńyzdyń tarıhı mańyzy bar. Jańa ǵana jabyq formatta biz yntymaqtastyqty damytýdyń eń ózekti máselelerin talqyladyq. Kún tártibindegi máselelerge oń kózqarasyńyz úshin rahmet. Men elderimiz arasyndaǵy yntymaqtastyq perspektıvalaryna qatysty Sizdiń barlyq kózqarastaryńyz ben pikirlerińizge oń baǵa berdim», - dedi Qasym-Jomart Toqaev.

Memleket basshysy eki eldi baılanystyratyn birqatar jalpy aspektini atap ótti.

«Túrikmenstan Qazaqstan úshin baýyrlas memleket sanalady. Bizde ortaq dástúr, ortaq tarıh, shyn máninde ortaq mádenıet bar», - dedi QR Prezıdenti.

Foto: t.me/bort_01