Qazaqstan men Túrikmenstan ratıfıkatsııalaý gramotalarmen almasty

ASTANA. QazAqparat - Aqtaý qalasyndaǵy Kaspıı sammıti alańynda Qazaqstan Respýblıkasy men Túrikmenstan arasyndaǵy Strategııalyq áriptestik týraly shartty ratıfıkatsııalaý jónindegi gramotalarmen almasý rásimi ótti. Bul týraly QazAqparat SІM baspasóz qyzmetine silteme jasap habarlaıdy.

Tıisti hattamaǵa Qazaqstan Respýblıkasynyń Syrtqy ister mınıstri Qaırat Ábdirahmanov pen Túrikmenstannyń mınıstrler kabıneti tóraǵasynyń orynbasary - Syrtqy ister mınıstri Rashıd Meredov qol qoıdy.

Qazaqstan men Túrikmenstan arasyndaǵy Strategııalyq áriptestik týraly shartqa 2017 jyldyń 18 sáýirinde Astanada prezıdentter Nursultan Nazarbaev pen Gýrbangýly Berdimuhamedov qol qoıdy. Bul qujat eki el arasyndaǵy teń quqylyq, ózara senim jáne jan-jaqty yntymaqtastyq negizinde strategııalyq áriptestik qatynastardy ornatady, sondaı-aq ekijaqty qarym-qatynastardy qazaqstandyq-túrkimen yntymaqtastyǵynyń áleýeti men ózekti qajettilikterine sáıkes sapaly jańa deńgeıge shyǵarady.

Atalǵan Shart óziniń erejelerine sáıkes ústimizdegi jyldyń 11 qyrkúıeginde kúshine enedi.