Qazaqstan men Tájikstan parlamentaralyq yntymaqtastyqty nyǵaıtýǵa múddeli

<p>ASTANA. KAZINFORM &mdash; Senat Spıkeri Máýlen Áshimbaev Tájikstannyń Madjlısı Olı Madjlısı mıllı Tóraǵasynyń birinshi orynbasary Radjabboı Ahmadzodamen kezdesti. Suhbat barysynda taraptar ekijaqty qarym-qatynastardy jáne parlamentaralyq yntymaqtastyqty odan ári nyǵaıtý máselelerin talqylady. Bul týraly QR Parlamentiniń Senaty baspasóz qyzmeti málimdedi.&nbsp;</p>

Máýlen Áshimbaev Tájikstan Qazaqstannyń strategııalyq seriktesi jáne mańyzdy odaqtasy ekenin atap ótti. Kezdesýde memleket basshylarynyń jeke dostyq pen senimge negizdelgen baılanysy men syndarly dıalogy osyndaı tıimdi yntymaqtastyqtyń kepili ekeni sóz boldy.

Sondaı-aq Senat Tóraǵasy eki el Parlamentteriniń Palatalary arasyndaǵy Yntymaqtastyq jónindegi komıssııanyń birinshi otyrysyna nazar aýdaryp, onyń qorytyndysy boıynsha qol qoıylǵan Parlamentaralyq yntymaqtastyqty damytý jónindegi jol kartasy aıasynda ózara is-qımyldy arttyrýdyń mańyzy zor ekenin aıtty.

«Elderimiz arasyndaǵy qarym-qatynas barlyq salada qarqyndy damyp keledi. Strategııalyq baılanysymyzdy odan ári arttyrýdyń mańyzdy tetikteriniń biri parlamentaralyq yntymaqtastyqty nyǵaıtý ekeni anyq. Parlamentterimizdiń Palatalary arasyndaǵy yntymaqtastyq jónindegi komıssııanyń ekinshi otyrysy barysynda belgilengen mindetter aldaǵy birlesken jumysymyzda aıryqsha mánge ıe. Olar klımattyń ózgerýine qarsy kúres, sý resýrstaryn tıimdi paıdalaný jáne basqa da máselelerde ózara seriktestikti nyǵaıta túsedi dep senemiz», – dedi Máýlen Áshimbaev.

Kezdesý barysynda taraptar saýda-ekonomıkalyq, kólik-logıstıkalyq jáne mádenı-gýmanıtarlyq salalardaǵy ózara is-qımyldy damytý máselelerine de nazar aýdardy.

Óz kezeginde Radjabboı Ahmadzoda kezdesý úshin Máýlen Áshimbaevqa alǵysyn bildirip, aldaǵy ýaqytta parlamentaralyq yntymaqtastyqty odan ári nyǵaıtýǵa múddeli ekenin jetkizdi.

Sonymen qatar suhbat kezinde taraptar HHІ ǵasyrda Ortalyq Azııany damytý maqsatynda dostyq, tatý kórshilik jáne yntymaqtastyq týraly shart jóninde pikir almasty. Atalǵan qujat Sholpan-Ata qalasynda ótken Ortalyq Azııa memleketteri basshylarynyń IV Konsýltatıvtik kezdesýinde kelisilgen bolatyn.