Qazaqstan men Tájikstan úkimetterine zákirli strategııalyq jobalar daıyndaý tapsyryldy

ASTANA. QazAqparat – Memleket basshysy Qasym-Jomart Toqaev pen Tájikstan Prezıdenti Emomalı Rahmonovtyń Aqordada ótken keńeıtilgen quramdaǵy kelissózi kezinde eki el úkimetterine Qazaqstan men Tájikstan úkimetterine zákirli strategııalyq jobany daıyndaý tapsyryldy, dep habarlaıdy QazAqparat tilshisi.

«Men sizdiń saparyńyzǵa úlken mán berip otyrmyn. Jańa ǵana bul sapardy tarıhı dep sıpattadyq. Osy sapar memleketterimiz arasyndaǵy áriptestikti jańa deńgeıge kóteredi, odaqtastyq ózara baılanys týraly deklaratsııaǵa qol qoıylady», - dedi Qasym-Jomart Toqaev.

Sondaı-aq Prezıdent odaqtastyq qatynastar jańa strategııalyq jobalarǵa jol ashatynyn atap ótti.

«Sondyqtan aldymyzda úlken jumys tur. Óıtkeni odaqtastyq qatynastar jańa strategııalyq jobalardy kózdeıdi. Biz jańa ǵana eki-úsh zákirli strategııalyq jobany daıyndaý qajettigin aıtyp, Úkimetterge osy maqsattardy iske asyrýdy tapsyrdyq. Jaqyn arada ekijaqty yntymaqtastyqtyń jańa belesine shyǵamyz dep topshylaımyn», - dedi Qasym-Jomart Toqaev.

Aıta keteıik, keshe Prezıdent Qasym-Jomart Toqaev Qazaqstanǵa memlekettik saparmen kelgen Tájikstan Prezıdenti Emomalı Rahmondy elorda áýejaıynda qarsy alǵan bolatyn.

Al 3 mamyrda Qazaqstan-Tájikstan bıznes-forýmynda birqatar mańyzdy qujatqa qol qoıyldy.