Qazaqstan men Tájikstan memleketaralyq taýar ótkizý júıesin qurý múmkindigin qarastyrdy

NUR-SULTAN. QazAqparat - 2021 jyldyń 15 naýryzynda Dýshanbe qalasynda (Tájikstan Respýblıkasy) QR Saýda jáne ıntegratsııa vıtse-mınıstri Qaırat Tórebaev Tájikstan Respýblıkasy Aýyl sharýashylyǵy mınıstriniń orynbasary Negına Anvarımen kelissózder júrgizdi.

Kezdesý barysynda eki eldiń Memleketaralyq taýar ótkizý júıesin qurý máselesi talqylandy, dep habarlaıdy QazAqparat QR Saýda jáne ıntegratsııa mınıstrliginiń resmı saıtyna silteme jasap.

Qazaqstandyq tarap Qazaqstanda taýar ótkizý júıesin qurý jónindegi jumys týraly tanystyryp, Tájikstan Respýblıkasynyń aýmaǵynda 3 kóterme-taratý ortalyǵyn salý josparlary týraly habardar etti.

Mamandardyń Tájikstannyń Hatlon jáne Soǵdy oblystaryna shyǵýyn uıymdastyrý týraly ýaǵdalastyqqa qol jetkizildi.

Tájikstannyń aýyl sharýashylyǵy vıtse-mınıstri Tájikstan tarapynyń Tájikstanda KTO qurýǵa qyzyǵýshylyǵyn rastady jáne mundaı KTO qurý Tájikstan úshin alǵashqy tájirıbe bolatynyn atap ótti.

Tájik tarapy Tájikstannan aýyl sharýashylyǵy ónimderi eksportynyń kólemi boıynsha barlyq qajetti derekterdi usynady.

Óz kezeginde qazaqstandyq tarap jemister men kókónisterdi óndirý jaǵdaılaryn zertteýge jáne fermerlik sharýashylyqty uıymdastyrýǵa qyzyǵýshylyq tanytty.