Qazaqstan men Statı taraptary arasyndaǵy daý retteldi

<p>ASTANA. KAZINFORM &mdash; Qazaqstan Úkimeti, Qazaqstan Respýblıkasynyń Ulttyq Banki jáne Statı taraptary, Tristan Oil jetekshi kredıtorlarynyń qoldaýymen jáne kelisimimen, Qazaqstandaǵy munaı-gaz aktıvteri týraly uzaq merzimdi daýdy retteý úderisin sátti aıaqtady. Bul týraly Ádilet mınıstrligi habarlady.</p>

Qol qoıylǵan Túpkilikti retteý týraly kelisim barlyq aǵymdaǵy daýlardy toqtatý úshin negiz bolyp sanalady jáne bolashaqta taraptar olardy qaıta bastaı almaıdy. Kelisimniń naqty sharttary qupııa bolyp qalady.

– Bul retteý jáne barlyq taraptar úshin ádil sheshý jolyn izdeý maqsatynda Qazaqstan Respýblıkasy qabyldaǵan tásil, bul el ınvestordyń quqyqtary saqtalatyn oryn bolyp tabylatynyn atap kórsetedi. Biz Prezıdent Qasym-Jomart Toqaevqa sheteldik ınvestorlardyń Qazaqstan týraly túsinigin ózgertýdegi kóshbasshylyǵy úshin alǵys aıtamyz. Biz bolashaqta jańa jobalarmen jumys isteýdi asyǵa kútemiz, - dedi CEO Argentem Creek Partners bas dırektory Denıel Chapman.

Argentem Creek Partners – Statı taraptarynyń ınvestıtsııalyq quraly Tristan Oil Limited-tiń kredıtorlary bolyp tabylatyn naqty qorlardyń ınvestıtsııalyq basqarýshysy.

– Uzaq daý aıaqtalǵannan keıin Qazaqstanda ekonomıkany damytý úshin, onyń ishinde ınvestıtsııalar tartý arqyly, qosymsha múmkindikter paıda bolady. Bul rette, men buryn atap ótkendeı, respýblıkalyq bıýdjetten retteý sheńberinde qarajat paıdalanylmady, - dedi Qazaqstan Ádilet mınıstri Azamat Esqaraev.

Nazarlaryńyzǵa Statı isine qatysty materıaldardyń horonologııasyn usynamyz.

«Samuryq-Qazyna» aktsııalaryna ýaqytsha tyıym salý uıǵarymy qaıta qaralatyn boldy.

Amerıkalyq qor Qazaqstannyń talabyna qosyldy.

Ádilet mınıstrligi men Qazaqstan Ulttyq banki Anglııada Statı isinde jeńiske jetti. 2020 jylǵy 18 jeltoqsanda Nıderland Joǵarǵy soty «Samuryq-Qazyna» AQ Nıderlandydaǵy aktıvterine tyıym salýǵa qatysty jeńildetilgen is júrgizý sheńberinde Amsterdam Apellıatsııalyq sotynyń sheshiminiń kúshin joıdy. Joǵarǵy sot óz sheshimin Birikken Ulttar Uıymynyń memleketterdiń ıýrısdıktsııalyq ımmýnıtetteri jáne olardyń menshigi týraly konventsııasyna súıene otyryp shyǵardy. Sondaı-aq, sot «Samuryq-Qazyna» aktıvteriniń egemendik ımmýnıteti joqqa shyǵarylmady dep tapty.

KMG Kashagan B. V-nyń 5,2 mlrd dollar bolatyn aktsııasy buǵattan shyǵaryldy. 8 aqpanda Amsterdam aýdandyq soty kásipkerler Anatolıı men Gabrıel Statıdiń jáne olardyń kompanııalarynyń («Statı») «Samuryq-Qazynaǵa» qarsy shaǵymdary negizsiz dep sheshti. Sot Statıge «Samuryq-Qazyna» men Qazaqstan Respýblıkasy shekken sot shyǵynyn tóleýge mindettedi.

Amsterdam soty Statı isine qatysty sheshimdi Qazaqstannyń paıdasyna sheshti.

Burynǵy QR Ádilet mınıstri Qanat Mýsındi sózge tartyp, osy jaıtqa jáne jańarǵan Konstıtýtsııadan keıin zańnamalarǵa engiziletin ógertisterge, Joldaýdaǵy bastamalarǵa qatysty suhbat alǵan edik.

Shvetsııanyń Joǵarǵy soty Ulttyq banktiń apellıatsııa berý quqyǵyn qabyldamady.

Ádilet mınıstrligi Statı isine qatysty tásilin ózgertti.

Statı isi: Daýǵa núkte qoıyldy.