Qazaqstan men Soltústik Makedonııa qarym-qatynasty damytý jóninde ýaǵdalasty

<p>ASTANA. KAZINFORM - Memleket basshysy Soltústik Makedonııa Respýblıkasynyń Prezıdenti Gordana Sılıanovska-Davkovamen kezdesti, dep habarlaıdy <a href="https://www.akorda.kz/kz/memleket-basshysy-soltustik-makedoniya-respublikasynyn-prezidenti-gordana-silyanovska-davkovamen-kezdesti-13103353" target="_blank" rel="noopener">Aqorda.</a></p>

Dúnıejúzilik klımat sammıti aıasynda Qasym-Jomart Toqaev Soltústik Makedonııa Prezıdenti Gordana Sılıanovska-Davkovamen kezdesý ótkizdi.

Memleket basshysy Soltústik Makedonııany Qazaqstannyń Eýropadaǵy mańyzdy seriktesi retinde atap ótip, basym baǵyttar boıynsha yntymaqtastyqty nyǵaıtýǵa múddeli ekenin jetkizdi.

Óz kezeginde Gordana Sılıanovska-Davkova ekijaqty baılanysty nyǵaıtýǵa qosqan úlesi úshin Qasym-Jomart Toqaevqa alǵys aıtyp, ózara yqpaldastyqty jandandyrýǵa múmkindik mol ekenin málimdedi. Sonymen qatar Soltústik Makedonııa Prezıdenti Qazaqstannyń Orta derjava retinde halyqaralyq arenadaǵy róline joǵary baǵa berdi.

Áńgimelesý barysynda saýda-ekonomıka jáne ınvestıtsııa salalaryndaǵy yntymaqtastyq aıasyn keńeıtý perspektıvasyna, eki el azamattary úshin vıza rejımin ońtaılandyrý máselesine aıryqsha mán berildi. Taraptar Qazaqstan men Soltústik Makedonııanyń iskerlik toptary arasyndaǵy qarym-qatynasty damytý jóninde ýaǵdalasty.

Kezdesý sońynda Qasym-Jomart Toqaev Gordana Sılıanovska-Davkovany Qazaqstanǵa saparmen kelýge shaqyrdy.

Eske salsaq, Prezıdent Qasym-Jomart Toqaev Dúnıejúzilik klımat sammıtine qatysý úshin Bakýdegi olımpıadalyq stadıonǵa bardy. Sosyn Memleket basshysy Bakýdegi Dúnıejúzilik klımat sammıtinde sóz sóıledi. Klımattyń ózgerýi jónindegi BUU-nyń negizdemelik konventsııasyna qosylýshy taraptardyń 29-shy konferentsııasy aıasynda QR Prezıdenti Qasym-Jomart Toqaev Fınlıandııa Prezıdenti Aleksandr Stýbbpen kezdesý ótkizdi. Sondaı-aq Qasym-Jomart Toqaev SOP29 cammıtinde birqatar eldiń basshylarymen áńgimelesti. Búgin Bakýde Qazaqstan, Ázerbaıjan jáne Ózbekstan prezıdentteri úsh eldiń energetıkalyq júıesin ıntegratsııalaý jónindegi kelisimge qol qoıdy.