Qazaqstan men Sıngapýr prezıdentteri bir-birin dıplomatııalyq qatynastardyń 25 jyldyǵymen quttyqtady

BEIJІŃ-SINGAPÝR. QazAqparat - Búgin Qazaqstan men Sıngapýrdyń arasynda dıplomatııalyq qarym-qatynastar ornatylǵanyna 25 jyl toldy. Ataýly kúnge oraı eki memlekettiń basshylary bir-birin quttyqtap jedelhat jiberdi, dep habarlaıdy «QazAqparat» HAA-nyń Qytaıdaǵy menshikti tilshisi Sıngapýrdyń  «The Straits Times» bedeldi basylymyna silteme jasap.

«Qazaqstan Prezıdenti Nursultan Nazarbaevqa jazǵan hatynda Sıngapýr Prezıdenti Halıma ıAkob eki el arasyndaǵy qarym-qatynastar tuńǵysh Premer-Mınıstr Lı Kýan ıÝ men Nursultan Nazarbaev myrzanyń ózara dostyǵy negizinde 25 jyldan beri tek nyǵaıýmen kele jatqanyn atap ótti», - dep jazady basylym.

Halıma ıAkob eki halyqtyń jarqyn bolashaǵy jolynda ekijaqty qarym-qatynastardy odan ári nyǵaıtýǵa úmit artatynyn bildirdi.

Prezıdent Nursultan Nazarbaev ta eki eldiń arasyndaǵy berik baılanystardy tilge tıek etti.

«Sońǵy shırek ǵasyrda elderimiz arasynda turaqty saıası dıalog ornatylyp, saýda men ekonomıkalyq yntymaqtastyqty damytýǵa qolaıly jaǵdaılar jasaldy. Qazaqstan men Sıngapýrdyń ózekti halyqaralyq máselelerge degen kózqarasy birdeı ári halyqaralyq arenada ózara tıimdi yntymaqtastyq jasap keledi», - dep jazdy Nursultan Nazarbaev, ekijaqty baılanystar jańa deńgeıge kóteriletinine senim bildirip.

Sıngapýrdyń syrtqy ister mınıstri Vıvıan Balakrıshnan da Qazaqstan syrtqy ister mınıstri Qaırat Ábdirahmanovqa quttyqtaý joldap, eki eldiń ekonomıkany, adam kapıtalyn damytýdaǵy ortaq tájirıbesin tıimdi paıdalanýyna bolatynyn aıtty.

Q. Ábdirahmanov, óz kezeginde EAEO pen Sıngapýr arasyndaǵy erkin saýda aınalymy týraly kelisim boıynsha kelissózderdiń sátti aıaqtalýyna, Qazaqstan men Sıngapýr arasyndaǵy ekijaqty ınvestıtsııalardy qorǵaý jáne ilgeriletý jónindegi kelisimniń qol qoıylatynyna úmit artatynyn jetkizdi.

Eske sala keteıik, búgin Qazaqstannyń Sıngapýrdegi elshiligi Feısbýktegi paraqshasynda eki el arasyndaǵy dıplomatııalyq qarym-qatynastar tarıhynan syr shertetin sırek fotosýretterdi hronologııalyq retpen jarııalady.

Basty foto: egemen.kz