Qazaqstan men Sıngapýr arasyndaǵy taýar aınalymy byltyr rekordtyq kórsetkishke jetken

ASTANA. QazAqparat - Qazaqstan men Sıngapýr arasyndaǵy taýar aınalymy byltyr rekordtyq 1,9 mlrd AQSh dollaryn quraǵan, bul ótken jyldyń sáıkes kezeńimen salystyrǵanda 65,1 %-ke kóp, dep habarlaıdy QazAqparat.

QR Ulttyq ekonomıka mınıstrliginiń málimetinshe, Qazaqstannan Sıngapýrǵa eksport 2022 jyly 67,8%-ke ósti.

«Sıngapýrǵa qazaqstandyq eksporttyń ósýi munaı jetkizilimderiniń 68,6%-ke nemese 761,6 mln AQSh dollaryna ulǵaıýy áserinen boldy. Qazaqstannan Sıngapýrǵa negizgi eksporttyq taýar - munaı, onyń úlesi - 99,9%.

Sıngapýrdan Qazaqstanǵa ımport 2022 jyly 0,5% -ke ósip, 47,1 mln AQSh. dollaryn qurady», - dep jazdy vedomstvo.

Sıngapýrdan ımport negizinen kompıýterlik ónimderden, ártúrli ólsheý jabdyqtarynan jáne hımııalyq zattardan turady.