Qazaqstan men Senegal mádenıet, bilim jáne sport salalaryndaǵy yntymaqtastyqty keńeıtýge ýaǵdalasty
«Biz saýda-ekonomıkalyq yntymaqtastyqqa basa mán berdik. Bizdiń yntymaqtastyǵymyzdyń bul qyry ázirshe óte tómen deńgeıde qalyp otyr. Árıne, oǵan jer shalǵaılyǵy, kólik problemasy áser etýde. Biz áleýetti baǵyttar retinde energetıkalyq sektordy, aýyl sharýashylyǵyn Islam bankıngin aıqyndadyq. Bizde «EKSPO-2017» kórmesi ótedi. Oǵan Senegal tarabynyń qatysatyndyǵyna úmit artamyz. Biz sonymen qatar, mádenıet, bilim, sport salalaryndaǵy ózara is qımylymyzdy keńeıtýge ýaǵdalastyq», - dedi QR Prezıdenti.
Osy rette Memleket basshysy búginde Qazaqstannyń kóptegen fýtbol klýbtarynda senegaldyq sportshylardyń óner kórsetetindigin atap ótti.
«Biz qol jetkizgen ýaǵdalastyq, pikir almasýlar, talqylanǵan barlyq baǵyttardaǵy ózara is-qımylymyzdy tereńdetýge septigin tıgizerine senimdimin. Afrıka qurlyǵy bizdiń ǵalamshardyń rezervi desek te bolady. 300 mln. sharshy shaqyrym aýmaqta mıllıard halyq qonystanǵan. Bul elderdiń baılyǵy da ulan-ǵaıyr», - dep atap ótti Elbasy.