Qazaqstan men Reseıdiń Syrtqy ister mınıstrleri telefon arqyly sóılesti

NUR-SULTAN. QazAqparat - Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdi Reseı Federatsııasynyń Syrtqy ister mınıstri Sergeı Lavrovpen telefon arqyly sóılesti, dep habarlaıdy QazAqparat QR Syrtqy ister mınıstrliginiń resmı saıtyna silteme jasap.

Mınıstrler joǵary jáne asa joǵary deńgeıdegi aldaǵy is-sharalar kestesin, ekijaqty qarym-qatynastardyń jaı-kúıi men perspektıvalaryn, sondaı-aq halyqaralyq uıymdar sheńberindegi yntymaqtastyqty talqylady.

Sondaı-aq, memleket basshylarynyń jaqynda Sochı qalasynda ótken kezdesýinde qol jetkizilgen ýaǵdalastyqtardy odan ári iske asyrý máseleleri qarastyryldy.

Foto: QR Syrtqy ister mınıstrliginiń baspasóz qyzmeti