Qazaqstan men Reseıde jańaratyn energetıkany damytýda zor áleýet bar - Qasym-Jomart Toqaev
«Qazaqstan men Reseı arasynda jasyl ekonomıka salysynda belsendi yntymaqtastyq júrip jatyr. Osy oraıda elderdiń jańaratyn ári balamaly energetıkany damytý úshin zor áleýeti bar. 2030 jylǵa qaraı Qazaqstan jańaratyn energııa kózderin eldiń energııa balansynda qazirgi 3 paıyzdan 15 paıyzǵa deıin arttyrady. Ol úshin ınvestorlarǵa jan-jaqty qoldaý kórsetip kelemiz», - Qasym-Jomart Toqaev.
Sonymen qatar Memleket basshysy elimiz jel energııasynyń joǵary áleýetine ıe ekenin atap ótti. Munymen qosa, bizdiń el «jasyl» sýteginiń joǵary eksporttyq áleýeti bar 8 eldiń qataryna enip otyr.
«Balamaly energetıka salasynda jobalardy júzege asyrý óndiristik ári ǵylymı ınfraqurylymdy qurýdy, joǵary bilikti kadrlardyń bolýyn talap etetini aıqyn. Sondyqtan biz energetıkalyq salada joǵary tehnologııalyq ınnovatsııalar boıynsha quzyret ortalyǵyn quryp jatyrmyz», - dedi Memleket basshysy.
Budan buryn habarlanǵandaı , búgin Kókshetaýda Memleket basshysy Qasym-Jomart Toqaev pen Reseı Prezıdenti Vladımır Pýtınniń qatysýymen eki eldiń XVII Óńiraralyq yntymaqtastyq forýmy onlaın formatta ótip jatyr.
QR Prezıdenti Q. Toqaev el aýmaǵynda orman alqabyn arttyrý jumystaryn aıtty.