Qazaqstan men Reseı Jaıyq ózeniniń ekologııalyq máselesin birlesip sheshpek

NUR-SULTAN. QazAqparat - QR Ekologııa, geologııa jáne tabıǵı resýrstar mınıstri Maǵzum Myrzaǵalıev Reseıdiń Tabıǵı resýrstar jáne ekologııa mınıstri Dmıtrıı Kobylkınmen vıdeobaılanys arqyly keńes ótkizdi, dep habarlaıdy QazAqparat.

M. Myrzaǵalıevtiń sózine qaraǵanda, ózen basseıinderin saýyqtyrý boıynsha eki el ǵalymdaryn jumyldyra otyryp, sarapshylyq organdy qurý sheshimi jasaldy. Bul turǵyda ózen ekojúıesin saýyqtyrý men sýdyń aǵynyn zertteý sharalary qamtylmaq. Osy oraıda organ quramyn 20 sáýirge deıin aıqyndaý týraly ýaǵdalastyq jasaldy.

«Jaıyq pen Ertis ózenderi basseıinderin eko-saýyqtyryrý boıynsha baǵdarlamany júzege asyrý taqyryby da talqylandy. Sonymen qatar Jaıyqtyń gıdrologııalyq rejımin zertteý máselesi qaraldy. Bul baǵyttaǵy jumystar Qazaqstan Prezıdentiniń tapsyrmasy boıynsha júrgizilip jatyr. Osy oraıda bul sharalar qazaqstandyq-reseılik tıisti komıssııa aıasynda jandanatyn bolady», - dep jazdy M. Myrzaǵalıev.

Bul turǵyda osy ýaǵdalastyqtar eki eldiń sý sharýashylyǵyndaǵy yntymaqtastyǵyn kúsheıtip, transshekaralyq sýlardyń ekologııalyq jaǵdaıyn jaqsartady.