Qazaqstan men Reseı strategııalyq seriktestikti nyǵaıtýǵa daıyn

NUR-SULTAN. QazAqparat - Qazaqstan men Reseı Úkimetteriniń basshylary yntymaqtastyqtyń ózekti máselelerin talqylady, dep habarlaıdy QazAqparat.

«QR Premer-Mınıstri Álıhan Smaıylov RF Úkimetiniń Tóraǵasy Mıhaıl Mıshýstınmen telefon arqyly sóılesti. Áńgimelesý barysynda Úkimet basshylary ekijaqty kún tártibindegi ózekti máselelerdi qarastyryp, saýda-ekonomıkalyq yntymaqtastyqty, ónerkásiptik kooperatsııany jáne óńirlik ózara is-qımyldy arttyrýdyń mańyzdylyǵyna toqtaldy. Álıhan Smaıylov pen Mıhaıl Mıshýstın ózara qyzyǵýshylyq týdyratyn negizgi ekonomıkalyq salalar boıynsha strategııalyq seriktestikti nyǵaıtýǵa daıyn ekendikterin atap ótti», - delingen Úkimettiń resmı saıtynda.