Qasym-Jomart Toqaev: Qazaqstan men Reseı – strategııalyq seriktes ári odaqtas
«Tatneft» kompanııasymen birge jyldyq qýaty 340 myń tonnaǵa deıin bolatyn býtodıen óndiretin qazaqstardyq-reseılik zaýyttyń qurylysy bastaldy. Polıetılen shyǵaratyn kásiporyn qurylysyna qatysty kelissóz aıaqtaldy. 2019 jyldan beri óndiristik kooperatsııa salasyndaǵy birlesken is-qımyl baǵdarlamasy jemisti jumys istep tur. Qazirgi sátte tek osy baǵdarlama boıynsha 3,2 mlrd dollar somaǵa 30 joba júzege asyryldy. Jalpy quny 27 mlrd dollardan asatyn taǵy da shamamen 60 joba júzege asyrylý nemese pysyqtalý satysynda tur», - dedi Qasym-Jomart Toqaev.
Osy oraıda Memleket basshysy osy jyldyń qyrkúıek aıynda Astanada «Innoprom» halyqaralyq ónerkásip kórmesi ótkenin, onda eki eldiń ónerkásiptik kooperatsııalary arasyndaǵy jańa kókjıek talqylanǵanyn eske salyp ótti.
«Munyń bári Qazaqstan men Reseıdiń strategııalyq seriktes ári odaqtas ekendigin senimdi túrde pash etedi», - dedi Qazaqstan Prezıdenti.
Buǵan deıin Memleket basshysy Qasym-Jomart Toqaev Qazaqstanǵa resmı saparmen kelgen Reseı Prezıdenti Vladımır Pýtındi elorda áýejaıynda qarsy alǵanyn jazǵan edik.