Qazaqstan men Reseı SІM basshylary telefon arqyly sóılesti

NUR-SULTAN. QazAqparat - Reseı tarapynyń bastamasy boıynsha Qazaqstan Respýblıkasynyń Syrtqy ister mınıstri Muhtar Tileýberdi Reseı Federatsııasynyń Syrtqy ister mınıstri Sergeı Lavrovpen telefon arqyly sóılesti. Bul týraly QazAqparat SІM baspasóz qyzmetine silteme jasap habarlaıdy.

Kelissózder barysynda aǵymdaǵy jyly ótetin ekijaqty jáne kópjaqty is-sharalardyń kún tártibi boıynsha jan-jaqty pikir almasyldy. M. Tileýberdi áriptesin BUU, TMD, ShYU, UQShU jáne basqa da halyqaralyq birlestikter qyzmetiniń ózekti baǵyttary boıynsha Qazaqstan Respýblıkasynyń ustanymy týraly habardar etti.

Taraptar aldaǵy asa joǵary jáne joǵary deńgeıdegi kezdesýlerge daıyndyqqa erekshe nazar aýdardy.

Dıalog dástúrli túrde syndarly jáne senimdi túrde ótti.