Qazaqstan men Reseı shekaradaǵy ınfraqurylym ózgeristerin kelisip otyrmaq

<p>ASTANA. KAZINFORM &mdash; Ashyq NQA platformasyna Qazaqstan men Reseı arasyndaǵy temirjol kóligin jáne ınfraqurylymyn, avtomobıl joldaryn, memlekettik shekara arqyly avtomobıl jáne temirjol ótkizý pýnkterin damytý salasyndaǵy ózara is-qımyldy uıymdastyrý týraly kelisim <a href="https://legalacts.egov.kz/npa/view?id=15193057" target="_blank" rel="noopener">jobasy</a> talqyǵa shyǵaryldy.&nbsp;</p>

Qujat qabyldanǵan jaǵdaıda taraptar shekaralyq ınfraqurylymdaǵy kez kelgen ózgeristi kelisetin bolady.

Kelisimniń maqsaty — Qazaqstan Respýblıkasy men Reseı Federatsııasy arasyndaǵy temirjol kólikti jáne ınfraqurylymyn, avtomobıl joldaryn, sondaı-aq Qazaqstan men Reseı arasyndaǵy memlekettik shekara arqyly avtomobıl jáne temirjol ótkizý pýnkterin damytý salasyndaǵy ózara is-qımylyn uıymdastyrý, sondaı-aq osy kelisimge sáıkes bekitiletin is-sharalar josparlaryn (Jol kartasyn) iske asyrý.

Kelisimdi iske asyrýdy eki eldiń kólik mınıstrlikteri úılestiredi.

Іs-sharalar josparyna temirjol kóligin jáne temirjol kóliginiń ınfraqurylymyn damytý, taraptar memleketteriniń aýmaqtarynda ornalasqan avtomobıl joldarynyń ýchaskelerin damytý, Qazaqstan-Reseı memlekettik shekarasy arqyly avtomobıl ótkizý pýnkterin damytý, Qazaqstan-Reseı memlekettik shekarasy arqyly temirjol ótkizý pýnkterin damytý sharalary kiredi.