Qazaqstan men Reseı prezıdentteri Astana protsesiniń qorytyndylaryn talqylady
15:47, 06 Shilde 2017
ASTANA. QazAqparat - Búgin Memleket basshysy Nursultan Nazarbaev Reseı Federatsııasynyń Prezıdenti Vladımır Pýtınmen telefon arqyly sóılesti, dep habarlaıdy QazAqparat Aqordanyń baspasóz qyzmetine silteme jasap.
Vladımır Pýtın Nursultan Nazarbaevty taǵy da týǵan kúnimen quttyqtap, oǵan zor densaýlyq, amandyq jáne jumysyna jańa tabystar tiledi.
Áńgime barysynda memleketter basshylary ekijaqty yntymaqtastyqtyń qazirgi jaǵdaıy men perspektıvasyn, sondaı-aq óńirlik jáne halyqaralyq kún tártibindegi máselelerdi talqylady.
Sonymen qatar, bıylǵy 4-5 shildede Astanada ótken Sırııa máselesine qatysty (Astana protsesi) kezekti halyqaralyq kezdesýdiń qorytyndylaryna erekshe mán berildi.
Qazaqstan men Reseı kóshbasshylary aldaǵy kezdesýlerdiń kestesin qarastyrdy.