Qazaqstan men Reseı munaı men munaı ónimderin tasymaldaý kelisimine ózgeris engizdi
Atalmysh jıyn aıasynda Qazaqstan Respýblıkasynyń Energetıka mınıstri Qanat Bozymbaev pen Reseı Federatsııasynyń Energetıka mınıstri Aleksandr Novak 2010 jyldyń 9-ynshy jeltoqsanyndaǵy Qazaqstan Respýblıkasynyń jáne Reseı Federatsııasynyń Úkimetteri arasyndaǵy Qazaqstanǵa munaı jáne munaı ónimderin jetkizý salasyndaǵy saýda-ekonomıkalyq yntymaqtastyq týraly kelisimine ózgerister engizý týraly úkimetaralyq Hattamaǵa qol qoıdy.
Engizilip jatqan ózgerister Reseıden Qazaqstanǵa munaı ónimderin kirgizý jáne Qazaqstan aımaǵynan Eýrazııalyq ekonomıkalyq odaqtyń kedendik aımaǵynan tys shyǵarý máselelerin retteýdi vedomstvoaralyq deńgeıge shyǵarýǵa múmkindik beredi.
Osylaısha, Qazaqstan janar-jaǵarmaıdyń ishki naryǵyndaǵy balansyna baılanysty munaı ónimderiniń keıbir túrleriniń eksportyn jáne ımportyn ashyp nemese jabý boıynsha sheshimderdi jyldam qabyldaı alady.
Qazirgi tańda Qazaqstanda ashyq tústi munaı ónimderin tasymaldaýǵa tıym salynǵan. Qol qoıylǵan Hattama Qazaqstandaǵy jańǵyrtylǵan munaı óńdeý zaýyttarynda shyǵarylǵan ashyq tústi munaı ónimderin eksporttaýǵa múmkindik beredi.