Qazaqstan men Reseı kásipkerlerine qolaıly jaǵdaı jasaý jumystaryn jalǵastyrý kerek - Prezıdent

<p>ASTANA. KAZINFORM &ndash; Qazaqstan men Reseı kásipkerlerine qolaıly jaǵdaı jasaý kedergilerdi joıý jumystaryn jalǵastyrǵan jón. Bul týraly Qazaqstan men Reseıdiń HH Óńiraralyq yntymaqtastyq forýmyna beınekonferentsııa rejıminde qatysqan Memleket basshysy Qasym-Jomart Toqaev aıtty.</p>

Qasym-Jomart Toqaev saýda-ekonomıkalyq yntymaqtastyqty keńeıtýge baǵyttalǵan birlesken kúsh-jiger taraptardyń qazirgi syn-qaterlerge beıimdelip, eki el ekonomıkalarynyń ornyqty ósimine berik negiz qalaıtynyn jetkizdi.

«Kópqyrly yqpaldastyǵymyzdyń joǵary deńgeıin saqtaý qajet. Qazaqstan men Reseı kásipkerlerine qolaıly jaǵdaı jasaý úshin shekaralyq rásimderdi jeńildetý jáne saýda-logıstıkalyq kedergilerdi joıý jumystaryn jalǵastyrǵan jón. Forým aıasynda qol qoıylǵan kelisimder, sonymen qatar aıtylǵan naqty bastamalar óńiraralyq kooperatsııanyń áleýetin ashyp qana qoımaı, eki el ekonomıkasynyń damýyna tyń serpin beretinine senimdimin», — dedi Memleket basshysy.