Qazaqstan men Reseı Qarýly Kúshterdi qarjy-ekonomıkalyq qamtamasyz etý máselelerin talqylady

ASTANA. QazAqparat -  Qorǵanys mınıstriniń orynbasary Ábilqaıyr Sqaqovtyń basshylyq etýimen Qazaqstan Respýblıkasy Qorǵanys mınıstrliginiń delegatsııasy memleketterdiń qarýly kúshteriniń qarjy-ekonomıkalyq qamtamasyz etilýi tóńireginde tájirıbe almasý maqsatynda Reseı Federatsııasynyń Qorǵanys mınıstrligine jumys saparymen bardy. 

 QR QM baspasóz qyzmetiniń habarlaýynsha, kezdesý barysynda taraptar qarjylyq qamtamasyz etý, banktik súıemeldeý kezinde memlekettik qorǵanys tapsyrysy boıynsha esep-qısapty júzege asyrý, ekonomıkalyq taldaý jáne boljam jasaý, memlekettik muqtajdyq úshin satyp alýlardy qarjylyq súıemeldeý, shyǵyndardy josparlaý máselelerin talqyǵa saldy. Odan basqa, sapar sheńberinde qazaqstandyq delegatsııa Reseı Federatsııasy Qorǵanys mınıstrliginiń Biryńǵaı esepteý ortalyǵyna bardy. Onda olar ortalyqtyń qurylymymen, onyń jumys jasaý tártibi jáne esep-qısaptyń júzege asyrylýy, biryńǵaı derekqordyń fýnktsıonaldyq múmkindikterimen tanysyp qaıtty. Sonymen qatar, RF Qorǵanys mınıstrliginiń beıindi (salalyq) departamentteriniń basshylary qazaqstandyq delegatsııaǵa reseılik áskerı vedomstvonyń qarjy-ekonomıkalyq qyzmetiniń negizgi baǵyttary boıynsha sholý usyndy.