Qazaqstan men Reseı arasyndaǵy ǵylymı yntymaqtastyq tereńdeı tústi – reseılik ǵalym
«Áriptesterimniń kópshiligi atap ótkendeı, ótken jyl qıyn ári ǵylymı óndiris úshin barynsha sátsiz boldy. Erkin saparlaý, ekspedıtsııaǵa shyǵý múmkinshiligi tyıyldy. Ýaǵdalasyp qoıǵan birneshe konferentsııany ótkizý rejımi buzyldy. Degenmen, onyń bárin tez arada onlaın rejımge kóshire aldyq. 2020 jylǵy ekspedıtsııalar 2021 jylǵa aýystyryldy. Osy jyldyń tamyzynda Ońtústik Qazaqstanda ótken ekspedıtsııaǵa qatysý múmkindigine ıe boldym. Syn-tegeýirinder men sol bir faktorlardyń, sońǵy jyldary týyndaǵan kóptegen suraqtardyń arqasynda yntymaqtastyǵymyzdyń tereńdeı túskenin atap ótken jón. Buǵan deıin talqylanbaǵan jańa taqyryptar men ádister týyndap jatyr», - dedi ol Sputnik Qazaqstan aqparat agenttiginiń Facebook paraqshasynda ótken vıdeokópir barysynda.
Reseılik ǵalym 2021 jyldyń 30 sáýirinde Qazaqstannyń Reseıdegi Elshiligi men RF ǴA Shyǵystaný ınstıtýtynyń bastamasymen úlken konferentsııa uıymdastyrylǵanyn atap ótti.
«Sol jerde jańa kezeńde turǵanymyz jáne jańa syn-tegeýrinderge daıyn ekenimiz aıtyldy. Bul synaq barlyq ýaqytta narratıvter qalyptastyrýǵa ońtaıly bola bermeıdi. Degenmen, qazaqstandyq seriktestermen osy syn-tegeýrindi jańa kezeńde damytýǵa kómektesetin ádister taba alatynymyzǵa negiz bar», - dedi Igor Savın.