Qazaqstan men Reseı arasynda temir joldaǵy tasymal rásimine ózgerister engiziledi - Parlament

ASTANA. QazAqparat - Búgin Parlament Senatynyń jalpy otyrysynda «2016 jylǵy 15 tamyzdaǵy Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy Reseı temir jol ýchaskeleri boıynsha jáne Qazaqstan Respýblıkasynyń aýmaǵynda ornalasqan Reseı Federatsııasynyń temir jol ýchaskeleri boıynsha tasymaldaý tólemderin tóleý jáne júk tasymaldaryn rásimdeý tártibi týraly kelisimge ózgerister men tolyqtyrýlar engizý týraly hattamany ratıfıkatsııalaý týraly» QR Zańy qabyldandy.

Hattamaǵa sáıkes, atalǵan kelisim reseılik temirjoldyń Ozınkı, Aqsaraı ІІ, Qulyndy, Zolotaıa Sopka túıisý pýnktterinen júkterdi tasymaldaý kezinde qazaqstandyq temirjolda jáne qazaqstandyq temirjoldyń Nıkeltaý, Tobyl, Presnogorkov, Qyzyl tý túıisý pýnktterinen júkterdi tasymaldaý kezinde reseılik temirjolda tólemderin tóleý tártibin reglamentteıtin baptar alynyp tastalady.

Óıtkeni, 2009 jyly Qazaqstan men Reseı arasynda atalǵan stansalarda ornalasqan ýchaskelermen almasý jáne taraptardyń memlekettik shekarasynyń bólýi oryn alǵan bolaty. Tutastaı alǵanda, bul ózgeristerdiń negizgi baǵyty osy máselege baılanysty bolyp tabylady.

Jalpy alǵanda zań jobasyn qabyldaý teris ekonomıkalyq, áleýmettik saldarǵa soqtyrmaıdy.

Parlament qabyldaǵan Zań Memleket basshysynyń qol qoıýyna joldanady.