Qazaqstan men Reseı arasyndaǵy shekarada kólik qozǵalysyna shekteý qoıylýy múmkin

<p>ASTANA. KAZINFORM &ndash; Qazaqstan men Reseı arasyndaǵy shekara beketinde kólik qozǵalysy ýaqytsha shektelýi múmkin, dep habarlaıdy QR QM Memlekettik kirister komıtetiniń baspasóz qyzmeti.</p>

Komıtettiń habarlaýynsha, 2024 jyldyń 7 qazanynan bastap Qazaqstanmen irgeles Saratov oblysyndaǵy «Ozınkı» avtomobıl ótkizý beketinde – Tasqala ótkizý pýnktinde júk tasymaly jolaǵyndaǵy jol tósemine kúrdeli jóndeý jumystaryn júrgizý josparlanǵan.

Osyǵan baılanysty ótkizý pýnktinde shekteýler bolýy múmkin. Jóndeý jumystarynyń aıaqtalýynyń boljamdy merzimi - 2024 jyldyń 31 qazanyna deıin.

QR QM MKK «Tasqala» avtomobıl ótkizý pýnkti arqyly memlekettik shekaranyń Qazaqstan-Reseı ýchaskesin kesip ótýdi josparlaý kezinde osy aqparatty eskerýdi suraıdy

«Qosymsha ózekti aqparat QR QM MKK resmı paraqshalarynda ornalastyrylady», - delingen habarlamada.

Osyǵan deıin qaraqshylyq shabýyl jasady degen kúdikti Reseıden ekstradıtsııalanǵany týraly jazdyq.