Qazaqstan men Reseı arasyndaǵy yntymaqtastyq barlyq baǵytta jemisti damyp keledi
«Qazir ǵana yntymaqtastyǵymyzdyń barlyq derlik máseleleri boıynsha tyńǵylyqty kelissóz ótip, birlesken jumysta ózara túsinistikke qol jetkizildi. Jumys óte kóp. Degenmen, túsinýimshe biz konstrýktıvke nıettimiz. Bul jumysta izdengen nátıjeniń oń bolaryna eshqandaı kúmán joq. Bul buryn da solaı bolǵan. Buryndary da Úkimet deńgeıinde nemese odan da joǵary Memleket basshylary deńgeıinde shuǵyl sheshýde talap etetin máseleler bolyp turdy. Jáne de olar sózsiz sheshimin tapty», - dedi Qazaqstan Prezıdenti.
Memleket basshysy Reseı Prezıdentiniń sapary eki eldiń arasynda 2013 jyldyń 11 qarashasynda qol qoıylǵan 21 ǵasyrdaǵy tatý kórshilik jáne odaqtastyq týraly kelisimsharttyń 10 jyldyǵy qarsańynda oryn alǵandyǵyna nazar aýdartty.
«Bizdiń paıymymyzsha, bul irgeli qujat. Onda negizi qalanǵan qarym-qatynastyń uzaqmerzimdi ustanymdary is-árekettiń naqty baǵdarlamasyna aınalyp, ómirde shynaıy júzege asyryldy. Búginde ekijaqty yntymaqtastyq barlyq baǵytta, strategııalyq seriktestik jáne odaqtastyq rýhynda jemisti damyp keledi», - dedi Qasym-Jomart Toqaev.