Qazaqstan men Reseı arasynda 20 qujatqa qol qoıylady

<p>ASTANA. KAZINFORM &ndash; Qazaqstan men Reseı arasynda 20 qujatqa qol qoıylady. Bul týraly Aqordada elimizge memlekettik saparmen kelgen Reseı Prezıdenti Vladımır Pýtınmen shaǵyn quramdaǵy kezdesý barysynda Memleket basshysy Qasym-Jomart Toqaev aıtty.</p>

«Sizdiń búgingi saparyńyzdyń kún tártibi óte aýqymdy. Sapar qarsańynda Úkimet músheleri kezdesip, biz talqylaıtyn barlyq máseleni pysyqtady. Búgin óte mańyzdy qujattardy qabyldaımyz. Bul 20 kelisimnen turatyn qujattar bizdiń tatý kórshilik jáne seriktestik rýhyndaǵy yntymaqtastyǵymyzdy odan ári damytýǵa tyń serpin beredi», — dedi Memleket basshysy.

Buǵan deıin Memleket basshysy Qasym-Jomart Toqaev Aqordada Qazaqstanǵa memlekettik saparmen kelgen Reseı Prezıdenti Vladımır Pýtındi qarsy alǵanyn habarlaǵan edik. 

Joǵary deńgeıdegi kelissózderden keıin memleket basshylary Qazaqstan men Reseıdiń HH Óńiraralyq yntymaqtastyq forýmyna beınekonferentsııa rejımi arqyly qatysady. 

28 qarasha kúni Qazaqstan Prezıdenti Qasym-Jomart Toqaevtyń tóraǵalyǵymen UQShU Ujymdyq qaýipsizdik keńesiniń kezekti sessııasy ótedi. Jıynda aımaqtyq jáne halyqaralyq qaýipsizdiktiń negizgi máseleleri talqylanady. Otyrys qorytyndysy boıynsha birqatar qujatqa qol qoıylady.

Aıta keteıik, búgin Qazaqstan Prezıdenti Qasym-Jomart Toqaevtyń «Izvestııa» gazetine, al Vladımır Pýtınniń «Kazahstanskaıa pravda» gazetine maqalasy shyqty.