Qazaqstan men Pákistan Áskerı yntymaqtastyq josparyna qol qoıdy

NUR-SULTAN. QazAqparat - Nur-Sultanda QR Qorǵanys mınıstriniń orynbasary general-maıor Muhamedjan Talasov pen Pákistan Islam Respýblıkasy qorǵanys vedomstvosy delegatsııasynyń basshysy general-maıor Májıd Jahangermen hattamalyq kezdesý ótti, dep habarlaıdy QazAqparat.

«Taraptar eki eldiń áskerı yntymaqtastyǵynyń jaı-kúıi men perspektıvalaryn talqylady. Pákistan delegatsııasy Qazaqstan-Pákistan áskerı komıssııasynyń birlesken altynshy otyrysyna qatysýǵa keldi. Otyrysta eki el áskerı vedomstvolarynyń 2021 jylǵy birlesken jumysynyń qorytyndysy shyǵarylyp, 2022 jylǵa arnalǵan ekijaqty áskerı yntymaqtastyq josparyna qol qoıyldy», - delingen QR Qorǵanys mınıstrliginiń baspasóz habarlamasynda.

Málim etilgendeı, jańa jospardyń jobasyna jaýyngerlik daıarlyq, áskerı bilim berý jáne ózara qyzyǵýshylyq týdyratyn áskerı qyzmettiń basqa da salalaryna qatysty sharalar engizilgen.

Qazaqstanǵa sapar barysynda Pákistan delegatsııasy Almatydaǵy Bitimgerlerdi daıarlaý ortalyǵyna barady dep josparlanǵan.