Qazaqstan men Ózbekstannyń týrıstik ónimderi bir ortaq brendpen biriktiriledi

TAShKENT. QazAqparat - Tashkentte Ózbekstan men Qazaqstannyń birlesken týrıstik ónimderi keńsesi jumysyn bastady. Atalǵan ortalyq Shymkent qalasy men Túrkistan oblystyq týrızm basqarmasynyń qoldaýymen ashyldy, dep habarlaıdy QazAqparat tilshisi.

Sala mamandarynyń aıtýynsha, eki el arasyndaǵy týrıstik ónimder bir ortaq brendpen biriktiriledi. Alda eki eldiń týrıstik operatorlarynyń qatysýymen bizdiń aımaqqa sheteldik týrısterdi tartý jumystaryn júrgizý qajettigi týyndap otyr. Búginde Uly Jibek jolynyń ejelgi qalalary - Samarqan, Hıýa, Buhara, Tashkent, Shymkent, Túrkistan jáne Tarazǵa aparatyn «Heritage of Uzbekistan and Kazakhstan» atty alǵashqy týrıstik baǵyt ázirlendi. Bul bastama Ortalyq Azııaǵa arnalǵan shengen vızasyn alýdyń balamasy men «Uly Jibek Jolynyń» biryńǵaı vızasyn josparly túrde júzege asyrý aıasynda kórshiles eki eldiń týrıstik áleýetin damytýǵa jaqsy qoldaý bolady.

Aıta ketý kerek, týrıstik aqparattyq ortalyq Ózbekstanda Qazaqstan jylynyń saltanatty ashylýyna oraı ótkizilgen is-shara aıasynda iske qosylyp otyr.