Qazaqstan men Ózbekstannyń Qaýipsizdik keńesteri kóptegen sala boıynsha yntymaqtastyq máselelerin talqylady
2017 jylǵy 10 naýryzda Tashkent kalasynda Qazaqstan Respýblıkasy men Ózbekstan Respýblıkasynyń Qaýipsizdik keńesteri apparattary arasynda keńeıtilgen konsýltatsııalar ótkizildi. Konsýltatsııalar Prezıdenttiń kómekshisi - Qaýipsizdik Keńesiniń hatshysy V.Jumaqanovtyń jáne Ózbekstan Prezıdentiniń janyndaǵy Qaýipsizdik Keńesiniń hatshysy V.Mahmýdovtyń tóraǵalyǵymen, mınıstrlikterdiń, arnaıy jáne quqyq qorǵaý organdary basshylyqtardyń qatysýymen ótti.
Shara barysynda taraptar Ortalyq Azııadaǵy kooperatsııa jáne yntymaqtastyq, áskerı-tehnıkalyq ózara árekettestik, terrorızmge jáne dinı ekstremızmge qarsy is-qımyl, zańsyz mıgratsııamen kúres salasyndaǵy quzyretti organdary arasyndaǵy yntymaqtastyq, keden organdary arasyndaǵy aqparat almasýyn keńeıtý jáne transshekaralyq sý resýrstaryn birlesken qoldaý jónindegi máselelerdi qarady.
Jahandyq jáne óńirlik qaýipsizdik jónindegi ózekti máseleler boıynsha pikir almasý oryn aldy, sonyn ishinde Aýǵanstandaǵy jaǵdaıdy retteý boıynsha másele qaraldy.
Sonymen qatar Prezıdenttiń kómekshisi - Qaýipsizdik Keńesiniń hatshysy V.Jumaqanov ózbek tarapyn Qazaqstan Respýblıkasynyń 2017-2018 j. BUU Qaýipsizdik Keńesindegi turaqty emes músheligi barysynda basymdyqtary jáne osy baǵyttaǵy óńirlik múddelerdi jyljytý boıynsha yńtymaqtastyqtyń mańyzdylyǵy týraly habarlady.
Taraptar QR jáne ÓR Qaýipsizdik keńesteri apparattary arasynda konsýltatsııalar ótkizýdi jalǵastyrýǵa kelisti. Jumys qorytyndysy boıynsha eki eldiń tıisti memlekettik organdarǵa naqty tapsyrmalar berildi.