Qazaqstan men Ózbekstan zııarat týrızmdi birlese damytady
16:56, 19 Qańtar 2024
<p>TAShKENT. KAZINFORM – Túrki memleketteri arasyndaǵy tyǵyz dostyq qarym-qatynasty nyǵaıtý, týrıster aǵynyn ulǵaıtý maqsatynda Ózbekstannyń Týrızm komıteti men Qazaqstannyń Týrızm jáne sport mınıstrligi birlesken «Jol kartasyna» qol qoıdy. Bul týraly Kazinform agenttiginiń menshikti tilshisi Álıhan Asqar habarlaıdy.</p>
Qujatqa saı, eki memleket arasyndaǵy týrıster sanyn arttyrýǵa baǵyttalǵan baǵdarlama ázirleý, týrıstik kompanııalar arasynda aqparat almasýdy jolǵa qoıý jáne ózge de jobalardy iske asyrý josparlanǵan.
Sondaı-aq Ózbekstannyń Týrızm komıtetinen málim etkendeı, zııarat týrızmdi damytý maqsatynda kelýshiler úshin shekaradaǵy ótkizý oryndarynda qolaıly jaǵdaı jasaý kózdelgen.
Munymen qatar Qazaqstan men Ózbekstan arasynda avtobýs reısteriniń sany ulǵaıtylady.
Eske salaıyq, byltyr 1,2 mln qazaqstandyq Ózbekstanǵa týysqandarymen kórisý úshin barǵan.