Tashkent halyqaralyq týrıstik jármeńkesi aıasynda Qazaqstan men Ózbekstan óńirleri arasynda týrızm salasyndaǵy yntymaqtastyqty nyǵaıtýǵa baǵyttalǵan 3 memorandýmǵa qol qoıyldy, dep habarlaıdy Kazinform agenttiginiń menshikti tilshisi.
Memorandým Almaty oblysynyń týrızm basqarmasymen Tashkent jáne Djızak oblystarynyń tıisti vedomstvolary arasynda jasaldy.
Munymen birge, Qazaqstan restoratorlar klýby qaýymdastyǵy men Ózbekstan aspazshylar qaýymdastyǵy arasynda yntymaqtastyq ornady.
Atalǵan memorandýmdar óńiraralyq ózara is-qımyldy odan ári jetildirýge yqpal etpek. ıAǵnı, týrıster sanynyń artýy men olarǵa kórsetiletin qyzmetter sapasynyń jaqsarýyna jáne gastronomııalyq týrızmniń damýyna serpin bermek.
Qosa ketsek, buǵan deıin Ózbekstan men Qytaı vıza talaptaryn ózara ońtaılandyrý múmkindigin talqylap jatqanyn jazyp edik.
Álıhan Asqar
2018 jyly A. Baıtursynov atyndaǵy Qostanaı memlekettik ýnıversıtetin jýrnalıstıka mamandyǵy boıynsha támamdaǵan. Ár jyldary oblystyq Qostanai, respýblıkalyq Astana TV, «Jetinshi arna» telearnalaryndaǵy baǵdarlama jáne jańalyqtar bóliminde qyzmet etti. «QR Prezıdenti teleradıokesheninde» 2022 jyldyń mamyrynan bastap eńbek etedi. 2023 jyldan beri Kazinform agenttiginiń Ózbekstandaǵy menshikti tilshisi.