Qazaqstan men Ózbekstan transshekaralyq ózenderde sý esepteıtin qondyrǵylardy ornatady

<p>ASTANA. KAZINFORM - Qazaqstan men Ózbekstan qos memleket tutynatyn sýdyń naqty kólemin esepteýge múmkindik beretin sý esepteıtin qondyrǵylardy ornatý jóninde kelisimge keldi, dep habarlaıdy QR Sýr resýrstary jáne ırrıgatsııa mınıstrliginiń baspasóz qyzmeti.</p>

Bul rette Qazaqstan Ózbekstan aýmaǵynda sý esepteıtin qural ornatsa, ózbek tarapy bizdiń elde óz qondyrǵylaryn qoıady. Sondaı-aq taraptar ózara onlaın-rejımde aqparat almasatyn bolady. Qazaqstan Ózbekstannyń aýmaǵynda jınalǵan derekterge, al ózbek jaǵy bizdiń eldegi derekterge qol jetkize alady.

Bul ýaǵdalastyq birinshi kezekte geografııalyq turǵydan ózenderdiń bastaýynan tys jatqan bizdiń elimizdiń múddesi úshin óte mańyzdy.

Qazir qos memlekettiń sarapshylary sý esepteıtin qondyrǵylar ornatylatyn oryndardy kelisip jatyr. Sondaı-aq jobaǵa halyqaralyq uıymdardy da tartý boıynsha kelissózder júrgizilýde.

«Sý esepteıtin quraldardy ornatý eki el tutynatyn sý kólemin onlaın rejımde baqylaýǵa múmkindik beredi. Sáýir aıynda biz basqa da kórshiles memlekettermen osyndaı jobalardy júzege asyrý boıynsha kelissóz júrgizýdi bastaýǵa nıettimiz», - dedi Sý resýrstary jáne ırrıgatsııa mınıstri Nurjan Nurjigitov.